Døgnavdeling

Voss DPS NKS Bjørkeli (Voss DPS) er eit allmennpsykiatrisk behandlingstilbod til vaksne med psykiske lidingar i Voss sjukehusområde som består av kommunane Voss, Vaksdal, Kvam, Eidfjord og Ulvik. Døgnavdelinga ligg i 3 høgd i bygg 1, Bjørkelivegen 27 og har plass til 12 pasientar. Ein av desse plassane er reservert brukarstyrt plass. Behandlarteamet på døgn består av overlege/psykiater, lege i spesialisering, psykologspesialist, psykolog og sosionom. Miljøpersonalet består av sjukepleiarar, vernepleiarar, hjelpepleiarar og aktivitetsleiar. Dei fleste har vidareutdanning innanfor psykisk helse. I tillegg har fleire vidareutdanning i kognitiv terapi.

Døgnavdelinga har plass til 12 pasientar og ligg i hovedbygget i Bjørkelivegen.

Våre hovedoppgåver er:

Utgreiing og behandling av pasientar
Utdanning av helsepersonell
Opplæring av pasientar og pårørande

Lengd på opphaldet kan variera. Enkelte gonger kan eit kortvarig opphald vera å føretrekkja (kriseintervensjon, stabilisering, 1- 3 veker). Andre gonger er det nødvendig med eit litt lengre opphald (behandlingsopphald, 3- 12 veker).

Voss DPS NKS Bjørkeli har tilbod om brukarstyrt plass (5 dagar). Dette gjeld personar som har eigen avtale om dette og som har underskreve kontrakt.

Du vil ganske raskt etter innkomst få snakka med psykiater/psykolog. Antatt varigheit av opphaldet vil vera tema i denne samtalen. Du vil òg få tildelt ein primærkontakt blant miljøpersonalet som jobbar i avdelinga. Denne har fokus på deg som pasient, dine behov og problemstillingar, og vera meir tilgjengeleg enn resten av miljøpersonalet.

Du er frivillig innlagt ved Voss DPS Bjørkeli. Du står fritt til å skriva deg ut når du måtte ynskja. Ein anbefalar deg likevel å vera innlagt så lenge som behandlingsansvarleg rår deg til.

Fyrste helga etter innkomst frårår me permisjon. Vidare skal permisjonar avklarast med behandlar.

Kvar morgon kl 09:15 - 09:30 i daglegstova med morgonstrekk og informasjon om dagens avtalar, musikkterapeut deltek med song kvar måndag, onsdag og fredag.

Me har undervisning for pasientar, sjå eiga liste i avdelinga.

Det er ikkje tillate å bruke alkohol eller andre rusmidlar under opphaldet.

Ved rusproblematikk tek me regelmessig urinprøve. Konsekvensar og behandlinga vidare vert individuelt for den enkelte.

Bil og parkering

Ein har dessverre noko dårleg parkeringsmoglegheiter ved DPS'et. Me oppmodar om at ein ikkje tek med eigen bil. Kjem du med eigen bil, ta kontakt med avdelinga for å få tilvist plass.

Buss

Det går buss forbi Bjørkelivegen fleire gonger for dagen.

På skyss.no får du fullstendig oversikt over avgangar

Tog

Nærmaste togstasjon er Voss togstasjon. Det er ca 15-20 min gåavstand frå togstasjonen til Bjørkelivegen 27.

Finn togavgang som høver di reise på vy.no På vy.no

Voss Taxi

Voss taxi held til i Uttrågata 19, tlf 56511340

Leige av sykkel

Hjå VossaBike kan du låna elektrisk sykkel. Desse står på faste stader rundtom på Vangen.

Sykkelparkering

På Voss DPS NKS Bjørkeli er det tilrettelagt for sykkelparkering.

Ein legg til rette for besøk i avdelinga. Ein har ikkje besøkstider, men ynskjer fortrinnsvis at besøk vert lagt til ettermiddag, kveld og helg slik at dette ikkje går ut over avtalar/behandlinga.

Pårørande og barn er velkomen på besøk og avdelinga disponerar eit eige barnerom.

Døgnavdelinga har vaskemaskin slik at du har anledning til å vaska kleda dine sjølv. Vaskemaskina deler du med dei andre pasientane i avdelinga.

Ein rådar alle til å ta med innesko til bruk i avdelinga. Ein ynskjer ellers fokusera på fysisk aktivitet og ber difor kvar enkelt ha med seg gode sko til bruk ved trim og tur.

Kvar enkelt held rommet sitt i orden så langt det let seg gjera. Måndag, onsdag og fredag formiddag blir bad og golv på romma vaska av reinhaldspersonale. Alle ryddar av bordet etter måltida.

Det er informasjon om brannrutinar ved innkomst for pasientane.

Det skal vera ro i avdelinga etter kl 23:00 (helg kl 24:00). TV vert slått av 23/24.

Me fråråd bruk av mobiltelefon i fellesrom.

Internett

Det er trådlaust nettverk ved DPS'et.

Du kan logge deg på helsenettet gratis.

PC

Voss DPS har tilgjengeleg bærbar pc med skrivar til utlån for pasientar, slik at dei får overhaldt sine rettigheiter og forpliktelsar ovanfor offentlege instansar, som dei ikkje kan gjera via mobiltelefon. Døme: skriva søknadar, klage på vedtak, senda dokumentasjon til Nav, Skatteetaten og så vidare.

Denne pc-en skal ikkje nyttast til underhaldning (Netflix, Spotify, etc.), sosiale medier eller utskrift av bilete til privat bruk.

Det er to tv-stover i avdelinga.

Evaluering

Etter opphald på Voss DPS NKS Bjørkeli døgnavdeling set me pris på om du som pasient og/eller pårørande tek deg tid til å fylle ut evalueringsskjema for opphaldet ditt. Skjemaet er anonymt og kan anten sendast til oss per post eller legg det i postkassa merka "Evalueringsskjema" på avdelingen. Du kan også delta ved å bruke lenka eller skanne QR-koden under.